ياليتني طفل ,,,,,

عهـدي بهـا قبل تلـبـس عبـايـه
وانا بعـد قبـل البـس شمـاغ وعقـال

طفليـن نتهجـى حــروف الكتـابـه
الله يا مجـمـل سوالـيـف الاطـفــال

كانـت لنـا فـي كـل شـارع حكايـه
وكنـا نقـول علـوم ما هيـب تنـقـال

وكنـت اتقـاسـم ما معـاهـا معـايـه
من ( ايسكريم ) التوت ل(علك) بو ريال

وكانـت بعكسـي شاطـره بالقـرايـه
تقـرأ جـزء عـم وطــه والأنـفـال

وانـا لـك الله مـن مـواري غبـايـه
مدري ابو نقطـه هـو الـذال او الـدال

وكانـت لابويـه تشتكـي مـن شقايـه
وتعلمـه كيـف اربـط البـاب بحبـال

ياما على ظهـري كسـر مـن عصايـه
يقول لي : خلـك وانـا ابـوك رجـال

وامـي تقـول : ادع لولـدك الهـدايـه
خوفي يصيبـه كثـرة الضـرب بهبـال

لا شفتهـا مـع اول الــدرب جـايـه
مدري انا اللي ملـت والا الوطـا مـال

أحـس قلبـي يرتجـف فـي حشـايـه
ماكنـه الا الضيـف لا هـز فنـجـال

واغـار حتـى مـن عيـون اصدقايـه
لا طالعوها قلـت تكفـووووون ياعيـال

منقوووووول